कार्यसमिति यागु २०५३ साल भाद्र २९ गते च्वंगु बैठकं याःगु निर्णयकथं मतयाः पाः फय्गु थासय् तथा पुजा फय्केत: चिभाः (चैत्य) छग्वः पलिस्था याय्गु धयागु निर्णय जूगु कथं चिभाः व्यवस्था याय्त उपाध्यक्ष भाजु बुद्धिराज बज्राचार्य, सचिव भाजु कृष्णदास ताम्राकार व सदस्य भाजु सुर्यमान बज्राचार्यपिंत जिम्मा ब्यूगुलिइ वय्क:पिनिगु कुतःकथं यल रुद्रवर्ण महाबिहार ओकुबाहाःया दिवंगत भाजु संघरत्न शाक्यया स्मृतिस वय्क:या धर्मपत्नी कान्छी शाक्य, काय्पिं मैत्रीरत्न शाक्य, रत्नकाजी शाक्य व सजिल शाक्यपिंसं धर्मचितं उद्धार मनं ३ फुट जाः व २१ किलो ग्यसुलाःगु गजू व द्यःयात लुं सियातःगु कलापूर्ण सुन्दर सिजःया चिभाः छग्वः ने.सं. १११६ भाद्र कृष्ण १ सुथय् ज्याबहाः बहिलिइ छगू समारोहस न्यकूजात्रा मतयाः व्यवस्था समितिया अध्यक्ष भाजु बत्सगोपाल वैद्यया ल्हातिइ लःल्हाना समर्पण याःगु खः ।
थ्व लुं सियातःगु चिभाःद्यः (चैत्य) दय्का: न्यकूजात्रा मतयाः व्यवस्था समितियात लःल्हानाः ब्यूगु २५ वर्ष पुलां जूगुलिं हाकनं छक्वः लुं सियाः मर्मत याय्गु लागि अध्यक्ष भाजु आशारत्न शाक्यजुपाखे कुतःकथं मैत्री शाक्य परिवारपाखें हाकनं व चिभाःद्यः (चैत्य) लुं सियाः बांलाक मर्मत यानाः न्यकूजात्रा मतयाः संचालन समिति क्षेत्र न. ८ इखालखुपाखें जूगु २५ औं वार्षिक साधारण सभा छन्हु न्ह्य: क्षमापुजा यानाः मैत्री परिवारपाखें अध्यक्ष भाजु आशारत्न शाक्यजुयात लःल्हाःगु खः ।
थ्व चिभाःद्यः (चैत्य) मतया जात्रा पर्वया लागि व्यवस्था ज्वी धुंकाः मतयाः पाःबलय् पुजा याय्त चिभाःद्यः कयाः हय्गु मतयाः जात्रा सिधय्धुकाः लित बीयंकिगु व्यवस्था याय्त मिति २०५३/०५/२९ गते च्वंगु कार्यसमिति बैठकं हिरण्यवर्ण महाबिहार (क्वाःबहाः) सुधार समितियात अनुरोध पौ च्वयालि आ:तक चिभाःद्यःयात पुजा आजा व संरक्षण जुयाच्वंगु खनेदु ।